Tơ̆ jơ sơng, Thủ tướng teh đak bơ̆n lui ngeh ‘măng năm tơmang đơ̆ng Ƀô̆ trương Bakhtiyor Saidov gô tơgop kăp gĭt lơ̆m tơdrong hơtŏk păng pơih să jang hadoi 2 pah lơ̆m khei năr truh. Thủ tướng akhan, kiơ̆ tơdrong tơbôl juăt jue, kăl hơtŏk jang hadoi tôm tơdrong lơ̆m dôm anih jang Đảng, Jơnŭm pơgơ̆r teh đak, Kuôk hô̆i kiơ̆ tơdrong asong khul kơpal năm hơpong dih băl; adoi nhen pơjing trong jang hadoi ‘nao đơ̆ng dôm anih jang.

Mă hăt noh 2 pah kăl jang hadoi vă pơgơ̆r đei jơnei tơdrong tơjrơ̆m đơ̆ng dôm anih jang mŭk drăm păng tơring kơ 2 teh đak lơ̆m ‘năr âu (19/3). Thủ tướng teh đak bơ̆n Phạm Minh Chính pơkăl 2 teh đak hơtŏk hloh dơ̆ng jang hadoi gah pơtho pơhrăm, joh ayŏ kơdŏ suang, tơmang pơhiơ̆ păng akŏm pơma dơnuh kon pơlei, akŏm pơma đam dôm khul jang chĭnh trĭ - tơpôl nhen khul sinh viên so sơ̆, hơdruh tơdăm tơgop hơtŏk tơdrong tơbôl kăp gĭt đơ̆ng kon pơlei 2 teh đak.