Tơ̆ jơ sơng, Thủ tướng athei anih tĕch mơdro kơ 2 tĕh đak adrin jang hơdoi, akŏm jơhngâm pran, đon rơgei, pơ ‘nhŏ ăn 1,2 tơdrong jang tơm đơ̆ng Việt Nam, lơ̆m nŏh đei jang kơmăy bán dẫn. Thủ tướng athei năng kiơ̆ tơdrong đei yoa ‘lơ̆ng, klăih song băl vang pŭ tơdrong krê, Amkor hơnơ̆ng jang hơdoi, tơgŭm ăn Việt Nam jang atŏk tơiung kơmăy bán dẫn;

Mă loi lơ̆m tơdrong tơgop nơ̆r chih pơjing trong jang, tơdrong tơgŭm, pơtho tơƀôh kơmăy kơmŏk, pơtho khul bơngai jang, hơtŏk đon rơgei mưh vei lăng, vang tơmât jên man anih jang, pơm trong, man anih pơtho pơhrăm, pơjing khul jang, tơchĕng hơlen păng jang tŏk, pơm tơlĕch, hơlen năng tơmam bán dẫn, hơtŏk tơdrong jang hơdoi hăm Anih tơplih ‘nao pơchĕh rơgei kơ tĕh đak Việt Nam.