Bơnê kơ tơdrong jang hadoi 'lơ̆ng rŏ đơ̆ng Việt Nam păng OECD, Thủ tướng teh đak bơ̆n pơkăl 2 pah hơtŏk pran tơdrong jang hadoi, tơpă đei jơnei tơnăp.

Thủ tướng teh đak bơ̆n Phạm Minh Chính tơroi kơ dôm trong jang hơtŏk tơ-iung kơ Việt Nam, ră hơdah dôm tơdrong asong jang kăl kơ Việt Nam lơ̆m khei năr truh, đei hloi hơtŏk 3 tơdrong jang kăl ming man anih jang păng bơngai jang; hơmet dôm tơdrong hơtŏk tơ-iung kăp gĭt (tĕch tơmam ăn teh đak đe, asong jang, tơmam drăm yua) atŭm hăm noh hơtŏk pran dôm tơdrong jang hơtŏk tơ-iung 'nao nhen mŭk drăm rơgoh 'lơ̆ng, tơplih kơsô̆, jang mŭk drăm sơđơ̆ng, ưh đei tơpăr hơyuh 'mê̆, mŭk drăm kơ̆l 'ngok hơgei.