Tơ̆ jơ sơng, Thủ tướng Phạm Minh Chính bơnê kơ tơdrong jang hadoi đơ̆ng  Airbus, păng găh Việt Nam lơ̆m lơ tơdrong jang, tơgop hơtŏk tơdrong tơroh jang hadoi lơ̆m teh đak, lơ̆m apŭng plenh teh păng hơtŏk mŭk drăm – tơpôl Việt Nam, Thủ tướng sơkơ̆t hơdah Việt Nam lăng tơgĭt tơdrong jang tơbôl hăm rim teh đak châu Âu, mă hăt noh hăm dôm teh đak pơjing đei jơnei jang Airbus đei teh đak Anh, Đức, Phalăng, Tây Ban Nha; atŭm hăm noh kơchăng kơhret hloh dơ̆ng tơdrong tơbôl juăt jue, lui ngeh păng Jang hadoi hăm dôm teh đak ou, mă kăl noh gah mŭk drăm – tĕch pơdro, asong jang, kiơ̆ đơ̆ng noh tơgŭm dôm teh đak jang hadoi hăm Việt Nam gơh đei trong jang hiôk hian hloh hăm Airbus.

Sơkơ̆t hơdah, Việt Nam pơkăp pơm trong hiôk, trŏ ƀlep hăm tơchơ̆t đơ̆ng khôi luơ̆t vă rim anih asong jang teh đak đe pơma atŭm păng Anih jang Airbus pơma hơdrô̆ asong jang tơnăp hloh păng kơjăp sơđơ̆ng tơ̆ Việt Nam, Thủ tướng teh đak bơ̆n pơtruh nơ̆r hăm Anih jang Airbus pơtoi jang hadoi hăm dôm anih jang gah gre păr kơ Việt Nam vă hơtŏk tơdrong jang gah gre păr tơ̆ Việt Nam.