Thủ tướng Phạm Minh Chính pơma hơdăh, Việt Nam năng kăl tơdrong pơvei ‘lơ̆ng hơiă đơ̆ng sơ̆, jang hơdoi gĭt kăl tôm tơdrong Việt Nam – Liên bang Nga; hơiă yoa tơdrong jang tŏk pran đơ̆ng 2 teh đak lơ̆m rim tơdrong, mă loi ‘nŏh tơdrong ăn khul jang kơpal tơƀâp pơma nuh hơnơ̆ng, jang hơdoi mŭk drăm – tĕch mơdro – tơmât jên jang, jŏh ayŏkơ dŏ xoang, chă tơmang lăng, pơtho pơhrăm iŏk đei lơ tơdrong ‘lơ̆ng.

Lui ‘măng năm ngôi đơ̆ng Bơngai chĕp kơ̆l Cộng hòa Tatarstan truh tơ̆ Việt Nam ‘măng mă âu gô tơgop pơm hơtŏk tơdrong jang hơdoi đơ̆ng Cộng hòa Tatarstan hăm dôm tơring kơ teh đak Việt Nam, tơgop pơm hơtŏk tơdrong pơvei, jang hơdoi gĭt kăl tôm tơdrong Việt Nam - Liên bang Nga. Thủ tướng Phạm Minh Chính athei găh Cộng hòa Tatarstan adrin hơtok dôm tơdrong jang hơdoi hăm dôm tơring kơ teh đak Việt Nam, mă loi ‘nŏh hơtŏk tơdrong pơvei ăn kon pơlei, tơguăt kon pơlei 2 teh đak tơ̆ hơnăp kơnh.