Thủ tướng pơma hơdăh trĕng lăng đơ̆ng Liên hợp quốc nhen tơroi tơ̆ tơdrong tơchơ̆t lăp hăm trong vă jang hơtŏk tơiung kơ Việt Nam; sơ kơ̆t hơdăh hăm Việt Nam, Liên hợp quốc jĭ bơngai buăl lui ngeh, tơklep đunh đai; Việt Nam ling lang chih ƀlŏk tơdrong tơgŭm kăp gĭt đơ̆ng Liên hợp quốc lơ̆m hloh 4 jĭt sơnăm âu ki păng hơdrin tơgop lơ̆m dôm tơdrong jang đơ̆ng Liên hợp quốc.

Jê̆ âu hloh, Việt Nam iŏk jang jơnei hơnăp jang Kơdră jang pơ lơh lơ̆m Jơnŭm vei lăng sơđơ̆ng Liên hợp quốc, pơm Phŏ kơdră Khŭl jang hơdai Liên hợp quốc jăl 77, hơtŏk vang tơgop khŭl lĭnh vang jang dôm tơdrong jang vei lăng rơngei kơ Liên hợp quốc. Vă tơgop vei lăng sơđơ̆ng phe ƀa tơmam sa jơ̆p plei teh, Việt Nam kĕ tĕch tơlĕch tơ̆ teh đak đe dang 7,5 triệu tấn phe lơ̆m sơnăm 2023, hơdai hăm ‘noh hơdrin tơgop ăn tơdrong tơlĕch jang pơcheh hơgei đơ̆ng Tổng Thư ký Liên hợp quốc găh tơplih tơdrong phe ƀa, tơmam sa kơjăp.