Thủ tướng pơma hơdăh găh Việt Nam vă jang hơdoi kơjăp, pơjing tơdrong ‘lơ̆ng păng tơgŭm ăn Bơngai tang măt jang đang ‘lơ̆ng dôm tơdrong jang, tơgop pơm hơtŏk tơdrong pơvei ‘lơ̆ng hơiă, jang hơdoi đơ̆ng 2 tĕh đak tŏk roi đunh roi ‘lơ̆ng, roi đei yoa. 

Thủ tướng athei lơ̆m jăl jang đơ̆ng kơdih, Bơngai tang măt jang hơdoi hăm dôm anih jang đei ƀơm truh kơ Việt Nam păng Brunei hơnơ̆ng pơgơ̆r pơma nuh ăn khul jang tih, anih jang kơpal, jang hơdoi lơ̆m rim khul grŭp lơ pang; hơnơ̆ng hơlen năng păng tơlĕch jang ‘lơ̆ng dôm tơdrong drơ̆ng nơ̆r đơ̆ng kơdră chĕp kơ̆l; jang hơdoi tơlĕch jang ‘lơ̆ng tơdrong jang pơm hơtŏk tơdrong pơvei gĭt kăl, jang hơdai tôm tơdrong đơ̆ng Việt Nam-Brunei đơ̆ng 2023-2027, akŏm găh 04 tơdrong gĭt kăl đei đak dâu, pơgang hoá chất, pơm tơmam xa Halal, chă tơmang lăng păng pơgơ̆r ăn kon pơlei tơƀâp pơvei hăm băl.