Vă hơtŏk loi dơ̆ng tơdrong pơvei 2 teh đak tơ̆ hơnăp kơnh, Thủ tướng athei hơnơ̆ng pơtrŭt dôm ‘măng tơ ƀơ̆p pơma dơnuh khŭl kơ dră kơ pal. ‘Măng âu, kiơ̆ đơ̆ng ƀok Tang măt, Thủ tướng pơ truh nơ̆r apĭnh jet gia truh Kơdră tơm teh đak Emmanuel Macron păng Thủ tướng Elisabeth Borne, ‘meh đei sơng Thủ tướng Elisabeth Borne năm ngôi tơ̆ Việt Nam.

Thủ tướng athei 2 păh hơnơ̆ng tơlĕch jang tôm, đei yua vă tơmơ̆t yua dôm tơdrong hiôk tih tên đơ̆ng Tơdrong tơchơ̆t mơdro sa hiôk hian Việt Nam - EU (EVFTA); athei Phalăng jăh kĭ ăn tơdrong tơchơ̆t vei lăng tơgŭm tơmơ̆t jên jang Việt Nam - EU (EVIPA) vă tơgŭm tôch ai ‘lơ̆ng tơdrong jang hơdai đơ̆ng 2 teh đak lơ̆m tơdrong jang tơmơ̆t jên jang.