Thủ tướng teh đak pơma hơdăh, Việt Nam ling lang năng Mi jĭ teh đak jang hơdoi gĭt kăl; pơma tơƀôh nơ̆r tơbăt đơ̆ng Tổng Bí Thư Tô Lâm păng kơdră chĕp kơ̆l teh đak Việt Nam tôch năng kăl păng ‘mĕh jang hơdoi kơjăp hăm Khul kơdră teh đak Mi yoa ƀok Kơdră tơm Trump chĕp kơ̆l vă tưk hơtŏk tơdrong pơvei jang hơdoi gĭt kăl tôm tơdrong.

Thủ tướng teh đak pơma hơdăh, athei hơnơ̆ng hơnhăk tơdrong jang hơdoi găh mŭk drăm – tĕch mpdro – tơmât jên jang jing tơdrong ‘lơ̆ng hlŏh păng jing jơhngâm pran ăn tơdrong pơvei 2 pang. Khul kơdră teh đak Việt Nam hơnơ̆ng pơjing tơdrong ‘lơ̆ng ăn dôm anih tĕch mơdro đơ̆ng Mi truh jang xa, tơmât jên jang tơ̆ Việt Nam, pơma hơdăh Việt Nam hơpơi ‘mĕh pơjing tơdrong pơvei jang hơdoi mŭk drăm – tĕch mơdro – tơmât jên jang hơtŏ ‘lơ̆ng, sơđơ̆ng păng kơjăp đunh hăm Mi, yoa tơdrong đei yoa atŭm đơ̆ng 2 teh đak.