Thủ tướng Phạm Minh Chính pơma hơdăh Việt Nam păng Phalăng đei tơdrong pơvei tơbôl, joăt joe, tơklep hơdai găh rim tơdrong; sơkơ̆t hơdăh Việt Nam ling lang lăng Phalăng jĭ teh đak jang hơdai gĭt kăl lơ̆m tơdrong jang tơgŭm tơbôl đơ̆ng kơ dih. Thủ tướng athei 2 păh hơnơ̆ng pơtrŭt pơma dơnuh khŭl rim kơdră, tơlĕch jang đei yua pơma điên thoăi kơdră kơpal đơ̆ng Tổng Bí thư Nguyễn Phú Trọng păng Kơdră tơm teh đak Emmanuel Macron khei 10/2023.

Sơng bơngai tang măt teh đak Tây Ban Nha Carmen Cano de Lasala, Thủ tướng pơma hơdăh Việt Nam ling lang lăng kăl păng ‘meh vă hơnhăk tơdrong pơvei Jang hơdai gĭt kăl hăm Tây Ban Nha tŏk ‘lơ̆ng ‘nao. Thủ tướng athei 2 teh đak tơ gĕch tôch ai dôm tơdrong hiôk mă Tơchơ̆t EVFTA hơnhăk ăn; athei Tây Ban Nha pơih ‘măng anih mơdro sa ăn dôm tơmam đơ̆ng Việt Nam, mă loi ‘noh jĭ tơmam choh jang sa, điện tử, tơmam tanh chơ choh.