Thủ tướng lăng ‘lơ̆ng bang Nebraska hlôi bơngơ̆t truh hơtŏk loi dơ̆ng jang hơdai hăm Việt Nam. Vă pơm ‘lơ̆ng hloh tơdrong pơvei đơ̆ng Việt Nam hăm bang Nebraska, Thủ tướng athei kơdră chĕp kơ̆l păng dôm anih jang kơ bang Nebraska hơtŏk loi dơ̆ng pơma dơnuh khŭl hăm dôm tơring kơ Việt Nam păng jang ‘lơ̆ng hloh dơ̆ng hơnăp jang ‘noh jĭ gơng tơƀưh lơ̆m tơdrong pơvei Việt Nam-Mi.

Thủ tướng athei, tơ̆ hơnăp kơnh, ƀang hơnơ̆ng tơ roi tơdrong hlôh vao hơtŏk tơiung hăm Việt Nam, 2 păh hơtŏk loi dơ̆ng jang hơdai mŭk drăm, mơdro sa, tơmơ̆t jên jang, mă loi ‘noh jĭ tơplih băl dôm tơmam đơ̆ng choh jang sa pran, tŭn pran jang hơdai lơ̆m dôm tơdrong jang nai 2 păh đei trong jang ‘lơ̆ng, nhen pơtho pơhrăm, khoa hŏk kơmăy kơmŏk, tơplih ‘nao pơcheh hơgei, kơmăy kơmŏk hơgei, jên hu anih mong jên, tơ jră tơplih tŏ ‘mi kial. 2 păh drơ̆ng nơ̆r oei lơ trong jang hơdai păng kăl hơnơ̆ng pơtrŭt tơdrong pơvei đơ̆ng bang Nebraska hăm Việt Nam pơma atŭm, păng hăm dôm tơring kơ Việt Nam pơma hơdrô̆.