Thủ tướng Phạm Minh Chính sơkơ̆t hơdăh, Việt Nam hơnơ̆ng lăng tơgĭt tơbôl Jang hadoi tôm tơdrong hăm Hoa Kỳ, bơnê kơ tơdrong mă Hoa Kỳ hơtŏk jang hadoi hăm Việt Nam, tơgĭt trong jang chĭnh trĭ păng tơgŭm Việt Nam “pran, hiôk hian, pơgơ̆r kơdih păng jơnap”.

Khei năr truh, Thủ tướng pơkăl 2 teh đak pơtoi asong khul kơdră kơpal, khul nghĭ sih năm tơmang dih băl, pơtruh nơ̆r hơvơn khul nghĭ sih mơlôh Hoa Kỳ năm Hop akŏm khul Nghĭ sih mơlôh jâ̆p kơpal teh 'măng mă 9 kơyuơ Kuôk hô̆i Việt Nam pơgơ̆r. Thủ tướng pơkăl, 2 teh đak hơtŏk pran jang hadoi lơ̆m tơdrong jang mŭk drăm, tĕch pơdro, asong jang, khua hŏk kŏng ngê̆, pơtho pơhrăm, tơplih gơh rơgei, pơm tơlĕch chip ban dẫn, tơplih kơsô̆, tơplih jang gah unh hơyuh, hơtŏk tơ-iung 'lơ̆ng, asong tơmam drăm păng tơjră hăm hơyuh tô̆ 'mi tơplih.