Tơ̆ jơ sơng, Thủ tướng athei 2 păh hơnơ̆ng hơtŏk tơdrong năm ngôi tơ̆ băl, pơgơ̆r tơƀâp tih ăn kơdră chĕp kơ̆l 2 teh đak, hơtŏk tơdrong đei yoa đơ̆ng dôm tơdrong drơ̆ng nơ̆r, trong jang hơdoi oei đei dang ei; kŭm hăm teh đak Lào hơnơ̆ng hơmet kơjăp, hơtŏk tơdrong pơvei, mât 1 ƀơ̆r đon, jang hơdoi đơ̆ng 3 teh đak Việt Nam-Lào-Campuchia.

Kŭm hăm ‘nŏh, hơnơ̆ng pơm hơtŏk hlŏh dơ̆ng tơdrong đei yoa găh jang hơdoi mŭk drăm, pơjing mŭk drăm kơdih, vang mât jang hơdoi kơjăp ‘lơ̆ng, đei yoa ăn rim teh đak; hơnơ̆ng hơtŏk tơdrong tơguăt trong jang mŭk drăm ăn 2 teh đak, jô̆ hloi găh anih jang păng tơdrong tơgŭm, vă năm truh đon pơhnŏng iŏk đei 20 ti USD lơ̆m tĕch mơdro đơ̆ng 2 pang.