Thủ tướng hôn bơnê pơtôch Hop akŏm tơlĕch jang Tơdrong drơ̆ng nơ̆r jang hơdai Việt Nam-Lào sơnăm 2024 păng dăr hơlen pơtrŭt Tơdrong tơchơ̆t jang hơdai 2 pang Việt Nam-Lào jăl jang 2021-2025; lăng ‘lơ̆ng hơnăp jang đơ̆ng Anih jang hơdai 2 teh đak hlôi hơdrin, jang hơdai hăm dôm anih jang kơpal 2 păh lơ̆m 6 khei blŭng sơnăm 2024 hơmet pơ ‘lơ̆ng lơ tơdong mơmat tat, tơhlăk tơhlĭn tơ̆ dôm tơdrong jang hơdai tơm, pơtrŭt jang hơdai lơ̆m lơ tơdrong jang.

Thủ tướng athei Khŭl kơdră teh đak Lào kăl kơ tơplih ‘lơ̆ng hơnih tơmơ̆t jên jang tĕch mơdro, hơmet pơ ‘lơ̆ng tơtom dôm tơdrong tơhlăk tơhlĭn đơ̆ng anih mơdro sa Việt Nam tơmơ̆t jên jang tơ̆ Lào; hơmet ming hla ar bơ̆jang, tơgŭm, pơm tơdrong hiôk lơ̆m tơdrong tơlĕch jang dôm tơdrong jang tŏk bŏk bơ̆jang păng tơlĕch jang dôm tơdrong jang ‘nao, akŏm lơ̆m dôm tơdrong jang nhen ŭnh hơyuh, ngar, tơmo, pơm tơlĕch tơmam drăm lơ̆m teh, choh jang sa, tơmang lăng, pơtho pơhrăm...