Thủ tướng tơchĕng ‘lơ̆ng hơnăp jang păng tơdrong adrin đơ̆ng yă Kơdră chĕp kơ̆l mưh pơgơ̆r păng tưk tơiung dôm tơdrong jang đơ̆ng WTO; hơiă kơ yă Kơdră chĕp kơ̆l yoa dôm tơdrong jang đei tôch tơgăl iŏk đơ̆ng năr tŏk pơm Kơdră chĕp kơ̆l WTO đơ̆ng khei 3/2021.

Thủ tướng pơma hơdăh, jĭ 1 tĕh đak jang hơdoi tôch tơnăp lơ̆m WTO, Việt Nam đei đon kơchăng, adrin jang lơ̆m dôm trong jang hơdoi đơ̆ng WTO, adrin bơ̆ jang kiơ̆ tôm nơ̆r pơkăp păng vang tơgop tôch ai hăm dôm tơdrong atŭm lơ̆m WTO; Thủ tướng hơpơi ‘mĕh kơ dih kâu yă Kơdră chĕp kơ̆l păng WTO hơnơ̆ng tơgŭm tưk hơtŏk tơdrong jang hơdoi, tơgŭm găh jên hu, ki thuơ̆t đơ̆ng WTO vă tơgŭm ăn Việt Nam hơtŏk tơdrong đei yoa mưh mât jang hơdoi hăm mŭk drăm apŭng plenh tĕh, hơnơ̆ng tơgop đei yoa ‘lơ̆ng ăn dôm tơdrong jang đơ̆ng WTO.