Tơ̆ jơ sơng, Thủ tướng hơpơi ‘mĕh dôm khul jang tơbôl đơ̆ng Hiroshima hơnơ̆ng tưk tơiung tơdrong pơvei jang hơdoi Việt Nam hăm Nhật Bản pơma atŭm păng hăm Hiroshima pơma adrô̆ roi đunh roi kơjăp ‘lơ̆ng, đei yoa, iŏk đei lơ tơdrong jơnei ‘lơ̆ng ƀiơ̆ tơ̆ hơnăp kơnh;

Krao hơvơn dôm anih tĕch mơdro kơ Hiroshima tơmât jên jang xa, tĕch mơdro lơ ƀiơ̆ tơ̆ Việt Nam; hơtŏk tơdrong pơvei ăn kon pơlei, tơguăt tơdrong jŏh ayŏ kơ dŏ xoang đơ̆ng 2 tĕh đak; tơgŭm ăn tơpôl bơngai Việt Nam tơ̆ tơring Tŏk bŏk Pơbăh kơ Nhật Bản (dang 50.000 ‘nu) arih xa, hŏk pơhrăm păng bơ̆ jang hiôk hian, tưk tơiung hơnăp jang pơm gơng tơƀưh đơ̆ng 2 tĕh đak.

Ƀok Akagi Tatsuo, Phŏ Kơdră Khul jang rơngei tơbôl Hiroshima-Việt Nam pơma hơdăh, dôm khul jang tơbôl adrin tơlĕch jang ‘lơ̆ng rim tơdrong kiơ̆ nơ̆r pơtho đơ̆ng Thủ tướng, hơnơ̆ng tơgop ăn tơdrong pơvei Việt Nam - Nhật Bản.