Tơ̆ dôm ‘măng sơng pơma dơnuh, Thủ tướng Phạm Minh Chính lăng ‘lơ̆ng tơdrong jang tơmơ̆t jên jang tĕch mơdro đei yua đơ̆ng dôm grŭp jang; hôn bơnê dôm Grŭp jang hlôi păng tŏk bŏk đei trong tơlĕch jang tơmơ̆t jên jang tơ̆ Việt Nam; athei dôm grŭp jang lơ̆m kơplăh tơchĕng hơlen tơlĕch jang dôm tơdrong jang hơdăh, jang hơdai kơjăp hăm dôm Anih tơm, anih jang, dôm anih mơdro sa Việt Nam păng dôm anih jang hơdai tơlĕch jang dôm tơdrong jang kiơ̆ ƀlep tơdrong hơgăt, tơmơ̆t yua kơmăy kơmŏk ‘nao, hơtŏk loi dơ̆ng tơgŭm, pơjao kơmăy kơmŏk, hơnhăk dôm anih mơdro sa Việt Nam vang jang jrŭ hloh dơ̆ng lơ̆m trong jang tĕch mơdro jơ̆p plĕnh teh.

Thủ tướng tơbăt, Việt Nam pơkăp gô pơm rim tơdrong hiôk vă Grŭp jang tơmơ̆t jên jang tĕch mơdro đei yua, kơjăp tơ̆ Việt Nam; ling lang vei lăng tơdrong pơm tơm, đei yua trŏ ƀlep,trŏ luơ̆t đơ̆ng dôm anih tơmơ̆t jên jang.