Thủ tướng Phạm Minh Chính sơng Kơdră chĕp kơ̆l Grŭp dôm anih chơ chuĕn, pơtruh tơmam lơ̆m apŭng plenh teh (FIATA)
Thứ tư, 15:07, 10/07/2024
VOV/Dơ̆ng tơblơ̆
VOV/Dơ̆ng tơblơ̆
VOV4.Bahnar – Drâm kơsơ̆ brei (9/7), tơ̆ Anih jang kơ Khul kơdră teh đak, Thủ tướng Phạm Minh Chính sơng Kơdră chĕp kơ̆l Grŭp dôm anih chơ chuĕn, pơtruh tơmam lơ̆m apŭng plenh teh (FIATA) ƀok Turgut Erkeskin oei hơpong, bơ̆ jang tơ̆ Việt Nam.
Tơ̆ jơ sơng, Thủ tướng Phạm Minh Chính tơchĕng ‘lơ̆ng FIATA hlôi tơgŭm ăn Grŭp dôm anih jang logistics Việt Nam pơgơ̆r hop akŏm Apŭng plenh teh FIATA lơ̆m sơnăm 2025. Ăn tơbăt hrei ‘nâu, Khul kơdră teh đak Việt Nam oei tơlĕch jang trong jang tưk tơiung logistics Việt Nam đơ̆ng 2025 - 2035, trong vă jang truh sơnăm 2045;
Thủ tướng athei FIATA roi tơbăt dơ̆ng dôm tơdrong kăl, vang tơgŭm găh tơplih hăm kơmăy sô̆ păng tơplih rơgŏh ‘lơ̆ng, năng kăl dôm trong jang atŏk tơiung logistics găh choh jang xa, jang kơmăy, atŏk tpơiung khul ƀato đak dơsĭ Việt Nam, dôm trong jang mŭk drăm, tĕch mơdro – chơ chuĕn păng tơgŭm ki thuơ̆t vă Việt Nam jăh jang kĕh Trong jang gĭt kăl kơ teh đak găh atŏk tơiung logistics lơ̆m sơnăm 2024.
Viết bình luận