Tơ̆ jơ sơng, Thủ tướng Phạm Minh Chính chơt hơiă păng tơchĕng ‘lơ̆ng dôm tơdrong jơnei đơ̆ng Grŭp jang Marriott lơ̆m tơdrong atŏk tơiung hnam hotel pơdơ̆h ngôi ‘lơ̆ng rŏ lơ̆m apŭng plenh tĕh kŭm nhen tơ̆ Việt Nam. Vă hơnơ̆ng hơtŏk tơdrong jang hơdoi tơ̆ hơnăp kơnh, Thủ tướng athei Marriott hơnơ̆ng tơlĕch trong pơih xă tơdrong tơmât jên jang ăn tơdrong chă tơmang lăng, pơvih pơvăn Hnam hotel, anih pơdơ̆h ngôi hăm lơ tơdrong jang tih lăp hăm rim tơdrong tơ̆ Việt Nam păng ‘lơ̆ng rŏ vă sơng tơmoi đơ̆ng apŭng plenh tĕh;

Jang hơdoi vang pơtho pơhrăm, atŏk tơiung khul bơngai jang rơgei, pơm lăp hăm tơdrong hơgăt đơ̆ng apŭng plenh tĕh; tơguăt chă tơmang lăng Việt Nam hăm tơring păng apŭng plenh tĕh, jang đei lơ tơmam, pơyoa ăn chă tơmang lăng, hơtŏk đon rơgei vă vei lăng anih chă tơmang lăng; tơgŭm păng yak hơdoi hăm Việt Nam jang tơiung ming dơ̆ng anih chă tơmang lăng păng chơ chuĕn hăm gre păr tơ̆ hơnăp kơnh.