Tơ̆ jơ sơng, Thủ tướng Phạm Minh Chính pơma hơdăh, Việt Nam ling lang hơdai hăm Trung Quốc tơlĕch jang kiơ̆ đei yua hlôh vao atŭm gĭt kăl kiơ̆ trong “6 hloh” hlôi đei Tổng Bí thư Nguyễn Phú Trọng păng Tổng Bí thư, Kơdră teh đak Tập Cận Bình băt hơdăh hăm dôm tơdrong tơm ‘noh jĭ pơtrŭt dôm ‘măng năm ngôi păng pơma dơnuh kơdră kơpal păng rim kơdră.

Hơtŏk loi dơ̆ng jang hơdai đơ̆ng rim anih jang, tơring 2 teh đak lơ̆m noh pơm ‘lơ̆ng jang hơdai đơ̆ng Mặt trận Tổ quốc Việt Nam păng Chính hiệp Trung Quốc; pơgơ̆r ‘lơ̆ng hloh dơ̆ng dôm tơdrong jang tơƀơ̆p pơma dơnuh đơ̆ng kon pơlei; hơtŏk loi dơ̆ng vang tơgŭm tơdrong hlôh vao găh tơdrong jang lý luận, pơjing Đảng păng vei lăng teh đak; jang ‘lơ̆ng jang hơdai lơ̆m rim tơdrong jang tơpă, mă loi ‘noh jĭ mŭk drăm - mơdro sa, tơmơ̆t jên jang păng tơƀưh trong nơnăm.