Thủ tướng Phạm Minh Chính pơma hơdăh, hăm jơhngơ̆m đon “đei yua hơdai ‘lơ̆ng, ưh kơ pŭn ai vang tơgŭm băl”, Việt Nam ling lang bơngơ̆t truh, lăng kăl tơdrong tơplih ‘lơ̆ng hơnih tơmơ̆t jên jang, pơkăp pơm tơdrong hiôk ăn dôm anih mơdro sa teh đak đe lơ̆m noh đei dôm anih mơdro sa Hàn Quốc păng grŭp jang Samsung bơ̆jang pơm tơlĕch tĕch mơdro sơđơ̆ng, đei yua, đunh đai tơ̆ Việt Nam.

Tơ̆ hơnăp kơnh, Thủ tướng athei Grŭp jang hơnơ̆ng pơih să tơmơ̆t jên jang lơ̆m dôm tơdrong jang đei tơdrong pran nhen kơmăy kơmŏk ‘nao, điện tử, chíp bán dẫn; tơmơ̆t jên jang hơtŏk tơiung hloh dơ̆ng lơ̆m dôm tơdrong jang tơplih kơsô̆, hơtŏk rơgoh, mŭk drăm ‘lơ̆ng; tơgop pơtho pơhrăm bơngai jang ‘lơ̆ng ăn Việt Nam.