Tơ̆ jơ sơng, Thủ tướng Phạm Minh Chính bơnê kơ tơdrong sơng iŏk tôch kơ rơhâu mă Grŭp Nghị sĩ tơbôl pơma hơdrô̆ păng kon pơlei Australia pơma atŭm hlôi ‘măn kơ Khŭl tang măt Khŭl kơdră teh đak Việt Nam. Thủ tướng lăng ‘lơ̆ng tơdrong pơvei jang hơdai đơ̆ng Kuôk hô̆i Việt Nam păng Nghị viện Australia, kŭm nhen Grŭp Nghị sĩ tơbôl 2 teh đak hơnơ̆ng đei hơtŏk loi dơ̆ng, hăm dôm tơdrong jang tơƀơ̆p, hŏk pơhrăm, tơgŭm, vang tơroi băl, mă loi ‘noh jĭ pơtrŭt tơƀơ̆p băl đơ̆ng nghị sĩ mơlôh, nghị sĩ drŏ kăn…

Thủ tướng athei Nghị viện 2 teh đak hơnơ̆ng pơm hơdăh ‘lơ̆ng dôm tơdrong drơ̆ng nơ̆r mă 2 păh hlôi kĭ pơkăp; tơgŭm păng dăr hơlen tơdrong bơ̆jang kiơ̆ dôm nơ̆r pơkăp đơ̆ng Khŭl kơdră teh đak 2 teh đak, bơ̆jang kiơ̆ Tơdrong pơvei Jang hơdai gĭt kăl Tôm tơdrong Việt Nam – Australia ‘lơ̆ng, đei yua.