Thủ tướng Phạm Minh Chính hôn bơnê păng lăng ‘măng năm ngôi ‘măng mă 2 truh tơ̆ Việt Nam đơ̆ng ƀok Jose Ramos-Horta kiơ̆ lơ̆m kơchư̆k jang Kơdră tơm teh đak đei tơdrong ‘lơ̆ng tôch kơ gĭt kăl, tơƀôh trong năm hloh 20 sơnăm pơjing tơdrong pơvei jang tơbôl, tơgop hơmet ming đon lui ngeh chĭnh trĭ păng pơm tơdrong hiôk ‘nao ăn tơdrong pơvei 2 teh đak tơ̆ hơnăp kơnh. 2 kơdră chĕp kơ̆l kŭm drơ̆ng nơ̆r kăl kơ hơtŏk loi dơ̆ng đon lui ngeh chĭnh trĭ ‘moi kiơ̆ pơma dơnuh; tơƀơ̆p băl đơ̆ng kơdră kơpal păng rim kơdră chĕp kơ̆l; tơlĕch jang đei yua dôm tơdrong drơ̆ng nơ̆r kơdră kơpal; hơnơ̆ng tŭn pran hơmet pơ ‘lơ̆ng trong jang trŏ luơ̆t ăn jang hơdai 2 pang; iŏk jang đei yua dôm tơmam ‘lơ̆ng jang hơdai tih tên đơ̆ng 2 teh đak.

Thủ tướng teh đak athei 2 păh jăh pơdui đunh dăh mă kĭ ‘nao Hla ar chih tơblŏk găh tĕch mơdro phe, tơgop vei sơđơ̆ng phe ƀa; pơtrŭt Timor-Leste hơtŏk răt tơmơ̆t dôm tơmam Việt Nam mă lăp. 2 păh kŭm pơkăp hơnơ̆ng tơgŭm tơdrong jang kăl đơ̆ng ASEAN găh Biển Đông kŭm nhen dôm tơdrong hơdrin pơvei tơdrong rơngei, sơđơ̆ng păng yak vih vơ̆t hiôk hian ăn duk, gre păr tơ̆ Biển Đông, tơgop lơ̆m tơdrong pơvei tơdrong rơngei, sơđơ̆ng păng hơtŏk tơiung tơ̆ tơring.