Thủ tướng Phạm Minh Chính pơma hơdăh Việt Nam ling lang lăng kăl tơdrong pơvei tơbôl joăt joe păng jang hơdai lơ tơdrong ‘lơ̆ng hơiă hăm Hungary hăm lơ tơdrong ‘lơ̆ng jơ hnơr arih hloh 70 sơnăm, athei 2 păh pơvei pơma dơnuh khŭl kơdră kơpal păng rim kơdră, hơtŏk loi dơ̆ng jang hơdai lơ̆m đĭ đăng kênh, rim tơdrong, lơ̆m noh đei tơdrong jang tư pháp.

Kơdră Anih tơm Tư pháp Hungary hmach thơ thâu păng tơƀôh jơhngơ̆m đon hơiă tơ̆ hơnăp tơdrong hơtŏk tơiung, mŭk drăm tŏk hơiă đơ̆ng Việt Nam lơ̆m khei ‘năr mŭk drăm apŭng plĕnh teh tŏk bŏk tơƀơ̆p lơ mơmat tat. Kơdră tơm pơma hơdăh Hungary ‘meh jang hơdai hloh dơ̆ng hăm Việt Nam lơ̆m tơdrong jang tư pháp, mă loi ‘noh jĭ lơ̆m dôm tơdrong jang Thủ tướng hlôi pơma dơnuh, hơdai hăm ‘noh tơbăt, Hungary gô tơgŭm 200 kơ suơ̆t hŏk ƀŏng pơtho pơhrăm găh tư pháp ăn Việt Nam.