Tơ̆ jơsơng, Thủ tướng Phạm Minh Chính hôn bơnê kơ khŭl tang măt Khŭl kơdră teh đak Lào năm ngôi, bơ̆jang tơ̆ Việt Nam păng lui ngeh ‘măng năm ngôi, bơ̆jang gô jơnei ‘lơ̆ng hơiă, hơnơ̆ng tơgop gĭt kăl lơ̆m tơdrong ưh kơ pơdơh hơtŏk loi dơ̆ng păng hơmet ming tơdrong pơvei tơbôl tih, tơdrong mĭnh jơhngơ̆m đon gĭt kăl păng jang hơdai tôm tơdrong Việt Nam – Lào; hơdai hăm athei Anih tơm jang tơbôl 2 teh đak hơnơ̆ng jang hơdai kơjăp hơmet ăn ‘lơ̆ng hloh pơyua ăn tơdrong pơma dơnuh khŭl kơdră kơ pal tơ̆ hơnăp kơnh.

Phŏ Thủ tướng, Kơdră tơm jang tơbôl Lào pơma hơdăh Đảng, Teh đak păng kon pơlei Lào gô hơnơ̆ng kŭm hăm Đảng, teh đak păng kon pơlei Việt Nam hơtŏk ‘lơ̆ng păng chĕp vei tơdrong pơvei tơbôl tih, 1 jơhngơ̆m đon gĭt kăl păng jang hơdai tôm tơdrong Việt Nam - Lào. Hơdrol ‘noh, Phŏ Thủ tướng Trần Lưu Quang hlôi pơma đam hăm Phŏ Thủ tướng, Kơdră tơm jang tơbôl Lào kŭm hăm khŭl bơ̆jang lơ anih tơm, anih jang kơ Khŭl kơdră teh đak Lào.