Tơ̆ jơ sơng, Thủ tướng Phạm Minh Chính sơkơ̆t hơdăh, Việt Nam ling lang lăng kơ jăp păng hôn bơnê tơdrong tơgŭm djru đơ̆ng Cuba lơ̆m tơdrong jang iung tơblăh pơm rơngei hơdrĕch hơdrung păng tơ iung pơjing teh đak kơ Việt Nam.

Vang hơlêm dôm tơdrong tơnap tap mă Cuba tŏk bŏk tơƀơ̆p, Thủ tướng sơkơ̆t hơdăh, Việt Nam ling lang vang tơbăt ăn Cuba dôm trong jang hơ iă lơ̆m bơ̆ jang tơplih ‘nao tơ̆ Việt Nam, lơ̆m au đei bơ̆ jang tơ iung pơjing păng pơm pơkeh khôi luơ̆t, hơmet ming tư pháp, athei 2 păh pơtrŭt kơtang jang hơdoi tơpă, jơnei lơ̆m tơdrong jang au, mă kăl găh pơtho pơjing khul bơ̆ jang, atŏk kơtang tơplih ‘nao jang kmăi kmŏk kơsô̆…Ƀlep lơ̆m jơ ‘năr au, Thủ tướng athei Cuba hơnơ̆ng lăng ba, pơjing rơvơn ăn kon pơlei Việt Nam erih sa tơ̆ Cuba. Ƀô̆ trương Tư pháp Cuba ‘meh vă Việt Nam hơnơ̆ng tơgŭm Cuba lơ̆m rim tơdrong jang, lơ̆m au đei bơ̆ jang tơ iung pơjing khôi luơ̆t păng tư pháp.