Thủ tướng Teh đak Phạm Minh Chính pơma tơbăt jơhngơ̆m đon hôn bơnê dôm tơdrong tơgŭm djru đơ̆ng Hơnih mong jên Apŭng plĕnh teh hăm tơdrong atŏk tơ iung mŭk drăm-tơpôl kơ Việt Nam đơ̆ng sơnăm 1993 truh dang ei, hăm akŏp kon jên truh 24 ti USD; hơpơi ‘meh vă Hơnih mong jên Apŭng plĕnh teh hơnơ̆ng yak hơdoi, tơgŭm djru Việt Nam tơlĕch rim tơdrong jang, trong jang vă pơtrŭt atŏk kơjăp ‘lơ̆ng, atŏk tơ iung rơgoh ‘lơ̆ng, mŭk drăm kơsô̆, mŭk drăm tơbăt dih băl, mŭk drăm khul gơ̆h hơgei.

Kơ iĕng Kơdră chĕp pơgơ̆r Hơnih mong jên Apŭng plĕnh teh Manuela V. Ferro tơbăt, Hơnih mong jên Apŭng plĕnh teh hlôi lui yom păng pơjing Hơnih bơ̆ jang kơ Hơnih mong jên Apung plĕnh teh kơ 3 teh đak Việt Nam, Lào, Campuchia tơ̆ Hà Nội; sơkơ̆t hơdăh, Hơnih ming jên Apŭng plĕnh teh ‘meh vă păng drơ̆ng nơ̆r jang hơdoi kơjăp hăm Việt Nam vă iung jang kơ Hơnih tang măt tơ̆ tơring bơ̆ jang jơnei, hơnhăk đei iŏk jơnei pơ đĭ 3 teh đak.