Thủ tướng sơkơ̆t hơdăh, Việt Nam ling lang lăng kơjăp atŏk tơ iung Jang hơdoi kăl hăm New Zealand. Khei năr kơnh, Thủ tướng athei ƀar păh hơdrin tơlech jang, jang kiơ̆ rim tơdrong drơ̆ng mĭnh nơ̆r hăm rim tơdrong vă jang, tơdrong jang hơdoi, tơgop hơnhăk tơgoăt tơgoăl ƀar teh đak tŏk ‘nao; atŏk kơtang ăn Khul kơdră kơpal tơƀơ̆p dih băl, pơtrŭt kơtang jang hơdoi mŭk drăm-mơdro sa-tơmơ̆t jên jang hăm dôm tơdrong đei oei lơ, hrôih hơnhăk mơdro sa dih băl ƀar teh đak iŏk đei 3 ti USD lơ̆m 2 sơnăm kơnh.

Ƀar păh drơ̆ng mĭnh nơ̆r hơnơ̆ng jang hơdoi kơjăp păng hơdrin tơgŭm djru dih băl tơ̆ hop akŏm lơ pang; mă kăl iung jang jơnei lơ̆m jăl jang Việt Nam iŏk jang hơnăp jang pơchoh trong tơgoăt tơgoăl ASEAN - New Zealand (7/2024 - 7/2027). Pơma dơnuh dih băl găh tơdrong Biển Đông, ƀar păh drơ̆ng mĭnh nơ̆r tơgŭm djru trong jang kơ ASEAN găh tơdrong Biển Đông, xek tơlang tơdrong tơgar dih băl hăm trong rơngei hiôk hian ‘moi kiơ̆ khôi luơ̆t, lơ̆m au đei UNCLOS 1982, sơđơ̆ng dơ̆ng kơjăp, duk păng gre păr chă kơdau, păr hiôk hian tơ̆ Biển Đông.