Thủ tướng Phạm Minh Chính tơbăt, Việt Nam ling lang lăng kơjăp pơm hơtŏk loi dơ̆ng tơdrong tơgoăt tơgoăl hăm Đức lơ̆m rim tơdrong jang păng hôn bơnê kơtang rim tơdrong jang mơdro sa kơ Siemens lơ̆m apŭng plĕnh teh pơma atŭm păng tơ̆ Việt Nam pơma hơdrô̆, mă kăl ‘nŏh rim tơdrong vă jang lơ̆m tơdrong jang ŭnh hơyuh-yuh soh, kmăi kmok pơm tơlech tơmam drăm, atŏk tơ iung hơnih jang ŭnh hơyuh păng choh jang sa hăm kmăi kmŏk, atŏk tơ iung trong gre treng.

Vă tơgop hơnơ̆ng tơlĕch jang kiơ̆ rim tơdrong drơ̆ng mĭnh nơ̆r đơ̆ng kơdră kơpal ƀar teh đak, Thủ tướng athei Siemens atŏk kơtang jang hơdoi hăm VIệt Nam lơ̆m tơdrong jang kmăi kmŏk hơgei, pơtrut kơtang tơplih ‘nao tơchăr; jang hơdoi hơmet rơgoh ‘lơ̆ng, atŏk tơ iung hơnih jang kmăi kmŏk ŭnh hơyuh, tơplih kơsô̆, tơ iung pơjing hơnih tơm chă tơchĕng hơlen păng atŏk tơ iung kơ Siemens tơ̆ Việt Nam...

Siemens ‘noh grup jang tih kơ Đức, bơ̆ jang hơgei lơ̆m jang kmăi kmŏk, vei lăng năng tông jơhngơ̆m jăn, trong nơnăm păng atŏk tơ iung trong hnam gơ̆h hơgei. Grŭp đei 320.000 ‘nu bơgai jang păng jang sa iŏk đei lơ̆m plei teh ‘noh 78 ti euro lơ̆m sơnăm 2023.