Tơ̆ jơ sơng, Thủ tướng pơkăl 2 pah pơtoi hơtŏk jang hadoi gah tơdrong hơlen khua hŏk kŏng ngê̆ hat nhơ̆n roi năr roi kơjăp đei jơnei hloh, kơyuơ kơ tơdrong rơngei, mă kăl noh lơ̆m vei sơđơ̆ng unh hơyuh yua ăn kon pơlei, hăm pơkăp jang hadoi tôm tơdrong, đunh khei năr păng dôm tơdrong jang hơdah, vă jang rah akŏm rah tơdrong hlôh vao, kiơ̆ đơ̆ng noh, pơih să hăm dôm tơdrong jang hơdah nhen kŏng ngĭp, choh jang xa, jang pơgang hơmet jĭ jăn, chơ pơdŭ tơmam drăm.

Kơdră dơnơm kơ Anih jang Unh hơyuh Nguyên tưh teh đak Nga sơkơ̆t hơdah, kiơ̆ tơdrong ‘nao ‘lơ̆ng rŏ, gah Nga păng Rosatom hơpơi ‘meh pơtoi hơtŏk pran jang hadoi hăm Việt Nam lơ̆m dôm tơdrong jang mă Thủ tướng hlôi tơlĕch, mă kăl noh hơlen gah khua hŏk hat nhơ̆n păng dôm tơdrong jang nai nhen hơtŏk unh hơyuh đơ̆ng kial; kơchăng tơroi gah tơdrong hlôh vao, tơgŭm Việt Nam hơtŏk tơdrong hơgei, pơtho bơngai jang, hơtŏk pơm jang lơ̆m teh đak gah tơdrong jang âu.