Tơ̆ jơ sơng, Thủ tướng Phạm Minh Chính sơkơ̆t hơdăh, Việt Nam ling lang lăng kơjăp tơgoăt tơgoăl joăt joe ‘lơ̆ng hơ iă hăm Thụy Điển. Thủ tướng hôn bơnê Grŭp jang SYRE tơchĕng hơlou vă tơmơ̆t jên jang hơnih pơm tơlĕch che polyester tơ̆ Bình Định hăm kĕ pơm tơlĕch lơ̆m sơnăm truh 250.000 tân, kiơ̆ trong pơm tơlĕch rơgoh ‘lơ̆ng, iŏk yoa dôm tơmam iă đei ƀơm truh tanh mei, tơgop hơmet pơ ‘lơ̆ng cham char kiơ̆ trong pơkăp kơ rim Hop akŏm đơ̆ng COP26 truh 28. Thủ tướng pơma hơdăh, Việt Nam tŏkb ŏk akŏm atŏk tơ iung mŭk drăm ‘lơ̆ng hơ iă, tơplih hơyuh rơgoh ‘lơ̆ng, xơkơ̆t hơdăh ‘nou jĭ mĭnh lơ̆m dôm hơyak pran ‘nao ăn tŏk mŭk drăm tĕnh koăng păng kơjăp ‘lơ̆ng, iŏk đei tŏk mŭk drăm GDP đơ̆ng 8% lơ̆m sơnăm 2025 păng ƀar kơsô̆ lơ̆m dôm sơnăm kơnh.