Tơ̆ jơ tơƀơ̆p, mĭnh ƀar ‘nu bơngai hŏk jrŭ tơgoăt tơgoăl Trung Quốc hlôi tơbăt dơ̆ng jơ ‘năr tơƀơ̆p ling lang ƀlŏk hơdơ̆r hăm Kơdră chĕp pơgơ̆r teh đak Hồ Chí Minh, hăm teh đak păng kon bơngai Việt Nam.

Yă Trần Tri Tiến, kon drŏ kăn Yŏng Khul lĭnh Trung Quốc Trần Canh pơma hơdăh, tơdrong tơgoăt tơgoăl ƀar teh đak đei joăt joe đơ̆ng sơ̆, tơroi dơ̆ng dôm tơdrong ƀlŏk hơdơ̆r đơ̆ng Yŏng Khul lĭnh Trung Quốc Trần Canh hăm Việt Nam, hăm Ƀok Hô. Ƀă yă đei Trung ương Đảng Cộng sản Trung Quốc ăn năm tơgŭm Việt Nam păng Ƀok Hô ‘nŏh bơngai đei yom kơtang hloh; ƀlŏk hơdơ̆r dôm khei năr đei tơƀơ̆p Ƀok Hô ‘nŏh jĭ dôm năr ‘lơ̆ng hơ iuă hloh hăm ƀă yă. Yă hơpơi tơdrong tơgoăt tơgoăl ‘lơ̆ng hơ iă kơ yuơ rim kơdră chĕp pơgơ̆r sơ̆ kơ ƀar teh đak tơ iung pơjing ling lang kơjăp iăp kơtang. Tang măt ăn Kơdră chĕp pơgơ̆r Đảng, Teh đak, Thủ tướng pơtruh nơ̆r apĭnh jet gia pơma dơnuh, hmach ăn rim mih ma duch nă, ‘nhŏng pơmai oh ling lang pran jăng grăng akau, hơnŭk hơnoa, hơnơ̆ng tơ iung pơjing ‘lơ̆ng hơ iă hloh dơ̆ng tơgoăt tơgoăl Việt Nam-Trung Quốc .