Lơ̆m khei năr truh, Thủ tướng pơkăl akŏm pơgơ̆r minh ƀar tơdrong jang tơm, lơ̆m noh tơbang hơdah, akŏm jang tơnăp tơdrong tơroi tơbăt, pơjing tơdrong drơ̆ng nơ̆r gah hlôh vao, tơdrong pơdrơ̆ng đơ̆ng tôm kon pơlei tơ̆ tơring, kăl tơlĕch jang hơdah, chă hơvơn drơ̆ng nơ̆r lơ̆m anih jang chĭn trĭ, iŏk tơdrong tơgŭm đơ̆ng kon pơlei.

Sơkơ̆t jang hăn chĭn athei vei sơđơ̆ng tôm drơ̆ng lăp, pơm jang kiơ̆ rim jăl, đei tơdrong dơnơm, đei trong jang trŏ ƀlep, kơjăp kơchăng, đei jơnei; tơring hiôk kĕ đei noh jang hơdrol, tơring tơnap tam mă kĕ đei noh sơkơ̆t hơdah trŏ ƀlep vă pơm jang. Thủ tướng pơkăl, sơkơ̆t jang hăn chĭn tơ̆ apŭng, xah athei tơguăt hăm tơdrong tơplih 'nao, sơkơ̆t jơnŭm pơgơ̆r jang chĭn trĭ bot, 'lơ̆ng jang đei jơnei; hơmet pơ-'lơ̆ng păng hơtŏk hơgei hăm khul kăn ƀô̆, bơngai jang; pơm 'nao trong jang hăn chĭn, pơjing jơnŭm pơgơ̆r kơsô̆, tơpôl kơsô̆.