Tơchĕng ‘lơ̆ng tơdrong jang tŏk pran, vang tơgop gĭt kăl đơ̆ng tơpôl bơngai Việt Nam tơ̆ teh đak ‘nâu, vang pơjing pơlei pơla, teh đak păng tơdrong pơvei Việt Nam – New Zealand, Thủ tướng teh đak athei tơpôl bơngai Việt Nam tơ̆ New Zealand mât 1 ƀơ̆r đon, hơnơ̆ng tơgŭm băl kiơ̆ trong “Hla ‘lơ̆ng bơ̆ng ăn hla hiăh”, “bơngai năm hơdrol tơgŭm ăn bơngai năm đơ̆ng rŏng” vă kŭm hăm băl jang tŏk, pơjing tơpôl mât 1 ƀơ̆r đon jang tŏk pran kơjăp.

Thủ tướng hơpơi ‘mĕh, kon pơlei hơnơ̆ng chĕp vei jơhngâm đon hưch hanh kơ hơdrĕch hơdrung, adrin jang tŏk, mât hơdai ‘lơ̆ng hơiă, jang kiơ̆ luơ̆t păng tơgop ăn tơdrong jang tŏk tơ̆ teh đak ‘nŏh, hơnơ̆ng pơm gơng tơƀưh roi đunh roi kơjăp lơ̆m tơdrong pơvei 2 pang; vei kơjăp, tưk tơiung tơdrong juăt ‘lơ̆ng đơ̆ng jŏh ayo kơ dŏ xoang, nơ̆r Yoăn; đei lơ tơdrong jang ‘lơ̆ng ƀiơ̆ vă hue lăng truh tơ̆ teh đak kơdih, vang tơgop ăn tơdrong pơjing păng atŏk tơiung teh đak.