Lăng ‘lơ̆ng, hmach thơ thâu tơdrong tih pran đơ̆ng tơpôl bơngai Việt Nam tơ̆ Thổ Nhĩ Kỳ, Thủ tướng teh đak tơbăt hlôi athei păih Thổ Nhĩ Kỳ hơnơ̆ng pơm tơdrong hiôk hloh dơ̆ng ăn tơpôl bơngai Việt Nam hơnơ̆ng arih sa, bơ̆jang tơ̆ Thổ Nhĩ Kỳ, mơ̆t jang hơdai jrŭ lơ̆m anih jang tơ̆ âu, tơgop ‘lơ̆ng lơ̆m hơtŏk tơiung kơ Thổ Nhĩ Kỳ kŭm nhen tơdrong pơvei tơbôl 2 teh đak păng ling lang lăng găh pơlei pơla, teh đak.

Thủ tướng teh đak ‘meh vă kon pơlei sơđơ̆ng jơhngơ̆m, hơnơ̆ng lui ngeh lơ̆m tơdrong chĕp kơ̆l đơ̆ng Đảng păng Teh đak; Anih jang tang măt tơ̆ Thổ Nhĩ Kỳ pơvei hơnăp jang tơm akŏm, tơklep hơdai tơpôl, pơjing tơpôl roi ‘năr roi sơđơ̆ng păng hơtŏk tơiung; jing gơng tơƀưh kơjăp ăn tơdrong pơvei tơbôl đơ̆ng 2 teh đak păng kon pơlei 2 teh đak; chĕp vei tơdrong ‘lơ̆ng hơiă hơdrĕch hơdrŭng păng pơlei pơla; pơtho pơhrăm kon sâu vih hăm tơm a kơdih, pơvei nơ̆r pơma nơ̆r Yuăn.