Pơma tơ̆ hop akŏm, Thủ tướng Phạm Minh Chính hlôi roi tơbăt truh bơngai tăh hla Cần Thơ găh tơdrong mŭk drăm tơpôl teh đak 9 khei âu ki, dôm tơdrong jang tơbôl kơ teh đak. Thủ tướng hlôi tơl nơ̆r dôm grŭp nơ̆r apĭnh mă bơngai tăh hla tơroi, ‘mă loi ‘noh jĭ găh tơdrong jang 1 triệu hek tar ƀa pơtăm ‘lơ̆ng, tơlĕch ‘mê̆ ‘mach tŏ sĕt; pơm hơmet cham gre păr Cần Thơ, Cà Mau, Phú Quốc, pơm tơnŏk Cái Cui, pơtho bơngai jang ‘lơ̆ng kơ tơring tơmăn đak krong Cửu long.

Hăm hơnăp jang ‘noh jĭ bơngai tang măt Quốc hội kơ pơlei tơm, Thủ tướng ling lang răp mơ̆ng đĭ đăng nơ̆r tơgop, ‘meh vă đơ̆ng rim bơngai, kon pơlei, bơngai tăh hla, nơ̆r tơgop đơ̆ng kơdră chĕp kơ̆l Đảng bộ Cần Thơ; ling lang tơchĕng jang đĭ jơhngơ̆m vă tơgop lơ̆m tơdrong hơtŏk tơiung hơnŭk hơnoa kơ pơlei tơm Cần Thơ pơma hơdrô̆ păng lơ̆m teh đak pơma atŭm.