Tơ̆ jơ tơƀơ̆p, tang măt ăn rim khul Romania hlôi tơroi tơbăt hơdăh hăm Thủ tướng Phạm Minh Chính găh tơdrong jang khul, mă kăl rim tơdrong jang vă atŏk kơtang tơƀơ̆p dih băl kon pơlei, đơ̆ng noh tơgop lơ̆m atŏk kơtang tơgoăt tơgoăl ƀar teh đak.

Rim bôl boăl Romania pơma tơbăt jơhngơ̆m đon hăm Thủ tướng Phạm Minh Chính chơt hơ iă găh tơdrong atŏk tơ iung kơtang kơ Việt Nam lơ̆m rim tơdrong khei năr au ki; tơlĕch mĭnh ƀar trong jang hơdoi lơ̆m khei năr kơnh, lơ̆m au đei hloi chă tơchĕng, tơchă rơvơn jang sa ƀar păh ƀar teh đak. Iung pơma dơnuh, Thủ tướng Phạm Minh Chính athei rim boăl Romania hơnơ̆ng chă pơrô̆ kon pơlei hơnơ̆ng tơgŭm djru Việt Nam, atŏk kơtang jang hơdoi hăm Việt Nam. Thủ tướng lui, khei năr kơnh, tơgoăt tơgoăl ƀar teh đak gô roi năr roi kơjăp, jơnei hloh dơ̆ng.