Thủ tướng Phạm Minh Chính tơƀơ̆p tơpôl bơngai Việt tơ̆ Ấn Độ
Thứ năm, 14:16, 01/08/2024
VOV/Thuem tơblơ̆
VOV/Thuem tơblơ̆
VOV4.Bahnar - Kơsơ̆ 31/7, tơ̆ anih tơm New Delhi, Ấn Độ, Thủ tướng Phạm Minh Chính păng khŭl tang măt gĭt kăl Việt Nam hlôi tơƀơ̆p kang ƀô̆, bơngai jang lơ̆m Anih jang tang măt, tơpôl bơngai Việt Nam tơ̆ Ấn Độ păng vang truh et hơtŏk anih bơ̆jang Anih jang tang măt.
Tang măt kơdră chĕp kơ̆l Đảng, Teh đak, Thủ tướng bơnê kơ tơdrong hơdrin, tơgop gĭt kăl đơ̆ng tơpôl bơngai Việt Nam oei tơ̆ teh đak đe, lơ̆m noh đei tơpôl bơngai Việt Nam tơ̆ Ấn Độ lơ̆m dôm jơnei kơ teh đak khei ‘năr âu ki.
Thủ tướng pơma hơdăh Đảng, teh đak ling lang bơngơ̆t truh, lăng tơpôl bơngai Việt Nam oei tơ̆ teh đak đe ‘noh jĭ hơkâu ưh kơ gơh tơpleh hơdrô̆ đơ̆ng tơpôl dôm hơdrĕch hơdrŭng Việt Nam, tơlĕch dôm trong jang tơgŭm pơm hiôk ‘lơ̆ng hloh ăn kon pơlei bơ̆jang, arih sa, hŏk pơhrăm păng tơgop ăn teh đak.
Viết bình luận