Thủ tướng Phạm Minh Chính tơroi gah tơdrong jang mŭk drăm – tơpôl lơ̆m 'măng pơtơm hop akŏm mă 6, Kuôk hô̆i jăl 15
Thứ ba, 10:40, 24/10/2023
VOV/Lan tơblơ̆
VOV/Lan tơblơ̆
VOV4.Bahnar – Pơgê năr 23/10, Thủ tướng Phạm Minh Chính tơroi gah tơdrong jang mŭk drăm – tơpôl lơ̆m 'măng pơtơm hop akŏm mă 6, Kuôk hô̆i jăl 15. Thủ tướng Phạm Minh Chính ăn tơbăt, mŭk drăm noh jang sơđơ̆ng, huach kư̆ kă đei tang găn, hơtŏk đei drŭt kơtang, dôm tơdrong jang nai adoi đei vei sơđơ̆ng.
Hơtŏk GDP jăl 3 đei 5,33%, jô̆ atŭm 9 khei đei 4,24%. Kơjă tơmam drăm yua (CPI) lơ̆m 9 khei tŏk 3,16%. Gah jang jên hu lơ̆m teh đak păng tơ̆ teh đak đe sơđơ̆ng ƀiơ̆, jên cheh đei tơjur. Tĕch tơmam ăn teh đak đe tŏk kiơ̆ khei, 9 khei tĕch ăn teh đak đe đei yua jê̆ 22 tih USD.
Gah sơnong jang, trong jang mă tơm lơ̆m dôm khei jê̆ đĭ sơnăm 2023, Thủ tướng Phạm Minh Chính ră hơdah, gô pơtoi jang vă hơtŏk tơ-iung, vei sơđơ̆ng tơdrong jang mŭk drăm, tang găn huach kư̆ kă, vei sơđơ̆ng dôm tơdrong jang mŭk drăm dơnơm; akŏm pơm kiơ̆ dôm trong jang hơtŏk pran (asong jang, tơmam yua, tĕch tơmam ăn teh đak đe); iŏk jang tơnăp tơring tĕch răt lơ̆m teh đak, tơ̆ teh đak đe lơ̆m dôm khei hơtuch sơnăm, ah lêh, têt.
Viết bình luận