Kiơ̆ tơlĕch jang, Thủ tướng teh đak bơ̆n Phạm Minh Chính gô năm akŏm păng đei ƀai đŏk tơbang kăp gĭt ah 3 'măng hop akŏm lơ teh đak đei Hop akŏm kơpal GMS 'măng mă 8, Hop akŏm Kơpal ACMECS 'măng mă 10, Hop akŏm Kơpal CLMV 'măng mă 11; pơgơ̆r dôm tơdrong tơƀơ̆p 2 pah hăm minh ƀar teh đak jang hadoi kăp gĭt; vang năm akŏm tơbang tơdrong tơmang pơhiơ̆ Việt Nam, pơma đam hăm anih jang mŭk drăm; năm tơmang minh ƀar anih jang mŭk drăm, logistic tơ̆ Côn Minh păng Trùng Khánh, Trung Quốc.

Lơ̆m dôm năr pơm jang, Thủ tướng teh đak bơ̆n gô vă pơma đam hăm lơ anih jang hadoi kăp gĭt, kĕ jang hadoi pran hăm Việt Nam lơ̆m tôm jăl jang. Lơ̆m noh đei teh đak jang hadoi hơtŏk tơ-iung, dôm tơchơ̆t gah jên hu su kăk, dôm anih jang trung ương, anih jang tơm, rim tơring, anih jang mŭk drăm kơ teh đak  Trung Quốc.