Tơ̆ Hop akŏm, Thủ tướng pơma hơdăh, anih sek tơlang athei tơrek mă brĕ truh tơdrong bơ̆ jang kiơ̆ trong tơplih hăm kơmăy sô̆ - năng ‘nâu jĭ 1 lơ̆m dôm tơdrong jang gĭt kăl hlŏh, đei yoa ‘lơ̆ng hlŏh lơ̆m rim tơdrong jang đơ̆ng Anih sek tơlang kon pơlei lơ̆m noh athei anih sek tơlang hơnơ̆ng hơtŏk jơhngâm jang “5 tưk hơtŏk”.

Găh tơdrong jang, trong vă jang tơm tơ̆ hơnăp kơnh, Thủ tướng athei, anih sek tơlang akŏm hơmet pơ ‘lơ̆ng trong pơgơ̆r, tơdrong tơgŭm vă hơtŏk tơdrong tơplih hăm kơmăy sô̆ lơ̆m anih sek tơlang kon pơlei, atŏk tơiung trong sek tơlang hăm điên tư. Jăh tơroi ăn Quốc hội pơdrơ̆ng nơ̆r ăn Luơ̆t pơgơ̆r Anih sek tơlang (oei chih hơmet) păng Luơ̆t tơkêng (oei hơmet ming), pơjing tơdrong ‘lơ̆ng ăn dôm tơdrong tơkêng trư̆k tuyê̆n; chih hơdăh tơmam pơyoa ăn sek tơlang hăm điên tư; tơdrong trŏ luơ̆t vă chih tơbăt tơmam pơyoa ăn sek tơlang hăm điên tư, hơnăp jang, tơdrong jang, tơdrong gơ̆h jang đơ̆ng dôm tơ ‘ngla pơgơ̆r tơkêng hăm điên tư.