Vang hop akŏm kiơ̆ trong trư̆k tuyê̆n păng hôp kơtă oei đei kơdră chĕp kơ̆l dôm anih tơm, anih jang kơpal kơ Trung ương, kơdră chĕp kơ̆l 63 dêh char, plt, dôm anih tĕch mơdro, grŭp jang tih, kơdră chĕp kơ̆l dôm anih jang găh Anih tơm jang tơbôl, dôm bơngai tang măt, Kơdră Anih tang măt ăn Việt Nam tơ̆ tĕh đak đe.

Kiơ̆ Kơdră tơm jang tơbôl Bùi Thanh Sơn, hlôh vao kơjăp trong jang đơ̆ng Hop akŏm mă XIII kơ Đảng tơlĕch găh "pơjing tơdrong jang tơbôl mŭk drăm pơvih ăn tơdrong jang tŏk, iŏk kon pơlei, tơring păng anih tĕch mơdro pơm tơm vă pơvih pơvăn", hăm tơdrong chĕp kơ̆l pơgơ̆r tôch kơjăp đơ̆ng Anih tơm Chinh trĭ, Ban Bí thư, mă hơnơ̆ng ‘nŏh jĭ đơ̆ng Thủ tướng teh đak păng dôm phŏ Thủ tướng, tơdrong jang tơbôl mŭk drăm đei lơ hơyak tŏk ‘nao kiơ trong roi ‘lơ̆ng păng roi đei yoa ƀiơ̆.