Sơnăm 2023, Anih tơm vei lăng trong nơnăm akŏm jơhngâm hơlen năng, hơmet pơkeh, hơtŏk tơdrong ‘lơ̆ng mưh chih tơlĕch trong pơgơ̆r jang, tơdrong tơgŭm păng iŏk đei lơ tơdrong jơnei gĭt kăl. Tơdrong tơm ‘nŏh hơtŏk tơdrong klăih song hơnăp jang, tơdrong pơgơ̆r vei lăng teh đak găh Anih tơm vei lăng trong nơnăm. Mă loi găh jang pơm trong, hăm tơdrong tơlĕch 26 Tơdrong jang, lơ̆m nŏh tơjur ƀiơ̆ khei ‘năr bơ̆ jang ăn 06 Tơdrong jang gĭt kăl kơ teh đak păng ‘măng mă blŭng tơlĕch trong hrơ̆ch hơdai kiơ̆ trong trư̆k tuyê̆n. Hlôi jang đang, tơmât yoa 20 Tơdrong jang, lơ̆m nŏh hơdrô̆ trong gre kơdâu hrĕnh hăm 09 Tơdrong jang kơjung truh 475km, hơtŏk đĭ đăng trong gre kơdâu hrĕnh đei tơmât yoa lơ̆m teh đak kơjung vă truh 1.900 km.

Tơ̆ hop akŏm, dôm bơngai tang măt dơ̆ng tang ăn dôm anih tơm, anih jang kơpal, tơring tơrang, dôm anih tĕch mơdro, khul jang hơdoi vang iung pơma vă hơlen năng dôm tơdrong jang đei, dôm tơdrong tam mă pran ‘lơ̆ng, dôm tơdrong pơmat tat, tơhlăk tăk, roi tơbăt dôm tơdrong hơiă, trong jang rơgei, đei yoa mưh bơ̆ jang; tơlĕch trong tơgŭm ăn anih vei lăng trong nơnăm vă hơnơ̆ng jang đang ‘lơ̆ng dôm tơdrong jang tơm lơ̆m sơnăm 2024.