Tơ̆ jơ pơm jang, kơdră kơ dôm anih jang tơm păng dêh char Đăk Lăk pơma đam gah tơdrong tơchơ̆t hơtŏk mŭk drăm – tơpôl kơ dêh char păng tơblang, pơma đam pơm hơdah dôm tơdrong mă dêh char pơkăl, pơtruh nơ̆r hăm Jơnŭm pơgơ̆r teh đak, Thủ tướng teh đak.

Kơdră kơ dôm anih jang tơm, pơkăl tơgŭm dêh char Đăk Lăk iŏk yua tơdrong hiôk, hơtŏk choh jang xa rơgoh ‘lơ̆ng, kiơ̆ trong jang kơmăi kơmŏk ‘nao, hơtŏk joh ayŏ - tơmang pơhiơ̆ tơguăt hăm hơtŏk kơjă joh ayŏ juăt jue kăp gĭt; akŏm hơtŏk anih jang ‘nao hơgei; pơtho bơngai jang. Thủ tướng teh đak pơkăl dêh char Đăk Lăk drŭt kơtang hơtŏk mŭk drăm – tơpôl yak hadoi hăm pơjing anih jang chĭnh trĭ kơjăp kơtang, hơmet vei sơđơ̆ng tơpôl; tơguăt kơjăp hăm vei lăng cham char, tơjră hăm hơyuh tŏ ‘mi tơplih, iŏk kon bơngai pơm tơm, tơjur hin dơnuh kơjăp sơđơ̆ng..., hơnơ̆ng hơtŏk tơdrong hơrih, joh ayŏ păng jơhngơ̆m pran đơ̆ng kon pơlei.