Tang măt ăn Kơdră chĕp kơ̆l Đảng, tĕh đak, Thủ tướng Phạm Minh Chính čhôk ‘nă, pôk pơ ư tơdrong adrin păng dôm tơdrong jang đei đơ̆ng dôm bơngai chih, khul bơngai chih păng sơnăm mơlôh lơ̆m đĭ đăng khul linh. Thủ tướng pơma hơdăh, tơ̆ hơnăp kơnh, tơdrong lơ̆m apŭng plenh tĕh, tơ̆ tơring oei tơplih tôch hrĕnh, krê hơmơt, ưh gơ̆h băt hơdrol.

Kơplăh ‘nŏh, tĕh đak bơ̆n oei adrin pơjing tơdrong jang mŭk drăm kơdih, kơchăng jang tŏk păng mât jang hơdoi hăm apŭng plenh tĕh tôm tơdrong, đei yoa ‘lơ̆ng; hơtŏk tơdrong tơplih ‘nao păng tơmât yoa khoa hŏk kơmăy kơmŏk; iŏk yoa dôm tơdrong pơchĕh rơgei, tơdrong pơchĕh ‘nao, kơmăy kơmŏk rơgei. Mă loi, tơdrong jang pơjing khul linh oei tơlĕch lơ nơ̆r athei ‘nao, tơm ‘nŏh jĭ pơjing khul linh kon pơlei kăch mang, chính quy, gơ̆h hơgei, pran kơtang; vei kơjăp tơdrong chinh trĭ, đon tơchĕng, jơhngâm đon tơpăt ‘lơ̆ng, khul grŭp păng kăn ƀô̆.