Pơma nuh hăm đe thây kô păng hŏk tro tơ̆ Hnam trưng ĐHQG-HCM, Thủ tướng Phạm Minh Chính pơtruh ăn rim chăl chĕp kơ̆l pơgơ̆r, khul kăn ƀô̆, bơngai jang khoa hŏk, thây kô pơtho, bơngai jang kŭm hăm đĭ đăng bơngai kiơ̆ hŏk, đe sinh viên tơ̆ Hnam trưng ĐHQG-HCM nơ̆r ‘lơ̆ng hơiă hlŏh, ƀĕnh jơhngâm đon ‘mêm băt păng nơ̆r pôk pơ ư tôch ‘lơ̆ng.

Thủ tướng chih răk, tơchĕng ‘lơ̆ng, pơ ư dôm tơdrong adrin păng tơdrong iŏk đei mă khul kơdră chĕp kơ̆l, khul kăn ƀô̆, bơngai jang khoa hŏk, thây kô, bơngai jang, bơngai hŏk, sinh viên tơ̆ Hnam trưng ĐHQG-HCM iŏk đei lơ̆m 28 sơnăm pơjing păng jang tŏk. Thủ tướng athei hnam trưng hơtŏk tơdrong chă rơih păng pơtho pơhrăm ăn hŏk tro rơgei, hơtŏk tơdrong tơchĕng hơlen khoa hŏk; Năng kăl truh tơdrong sơng iŏk păng tưk tơiung khul dôm bơngai jang khoa hŏk oei mơlôh gơ̆h hơgei, dôm bơngai jang khoa hŏk tơm kơ anih jang; Tơplih hăm kơmăy sô̆ păng đon rơgei đơ̆ng kơmăy kơmŏk găh dôm grŭp jang tơm kơ châu Á; atŏk tơiung Anih jang tơplih ‘nao, gơ̆h hơgei kơ teh đak.