Tơ̆ âu, Anih pơgơ̆r hlôi pơjao Hla ar pôk pơ ư 190 anih tĕch mơdro rơgei đei tơmam iŏk đei hơnăn tơmam teh đak Việt Nam sơnăm 2024. Pơma tơ̆ âu, Thủ tướng Phạm Minh Chính athei, dôm anih jang iŏk đei Hơnăn tơmam teh đak pơma hơdrô̆ păng khul tơpôl anih tĕch mơdro, bơngai pơdro Việt Nam pơma atŭm hơnơ̆ng pơm hơtŏk dôm kơjă kăp gĭt nhen: Tơmam ‘lơ̆ng – Tơplih ‘nao – Gơ̆h hơgei – Năm hơdrol.

Tơ̆ hơnăp kơnh, Thủ tướng athei dôm anih tĕch mơdro hơnơ̆ng iŏk yoa dôm tơdrong ‘lơ̆ng đơ̆ng trong jang tŏk rơgŏh păng jang tŏk kơjăp đunh; năm hơdrol lơ̆m tơdrong jang kăch mang rơgŏh ‘lơ̆ng; tơgĕch iŏk bưng ai đơ̆ng hơnăn tơmam teh đak, atŭm hăm ‘nŏh jang hơdoi vang pơjing tơmam tơklep hăm hơnăn tơmam teh đak Việt Nam; adrin tơchă, pơih xă anih tĕch mơdro lơ̆m apŭng plenh teh păng vang jang hlom hlŏh dơ̆ng lơ̆m trong pơtruh tơmam jơ̆p lơ̆m plei teh.