Kiơ̆ năr pơgơ̆r, pơgê hei 6/3 Thủ tướng Phạm Minh Chính truh hop akŏm hơdai lơ̆m Tơdrong Hop akŏm tih păng jơ bơ̆ jang iĕ. Hop akŏm tih gĭt kăl pơgơ̆r đơ̆ng ‘năr 4-6/3 jĭ khei ‘năr gĭt kăl lơ̆m Jơhnơr arih atŭm kơ teh đak Australia hăm tơring. Jơnăr tơƀôh hơdăh nơ̆r pơkăp đơ̆ng Australia lơ̆m tơdrong hơtŏk tơdrong jang hơdoi hăm tơring Đông Nam Á.

Tơdrong tơm đơ̆ng Hop akŏm tih gĭt kăl ‘măng mă âu ‘nŏh tơbăt 50 sơnăm pơvei jang hơdoi Australia - ASEAN păng vă pơma nuh găh 4 tơdrong tơm đei: Tech mơdro, Kơdră chĕp kơ̆l ‘nao tŏk, Tŏ ‘mi kial păng unh hơyuh rơgŏh, păng Jang hơdoi tơ̆ đak dơsĭ. Dôm tơdrong jang tôch rơđăh đei: Hop akŏm CEO Anih tĕch mơdro akŏm đei lơ kơdră chĕp kơ̆l anih tĕch mơdro đơ̆ng Australia păng Đông Nam Á, dôm pang đei ƀơm truh lơ̆m anih jang kơmăy kơmŏk păng dôm anih jang ăn Khul kơdră teh đak vă pơma nuh găh trong hơtŏk tơdrong tĕch mơdro păng tơmât jên jang 2 pang; Hop akŏm dôm Anih tĕch mơdro păh lăp păng iĕ (SME); Hop akŏm găh tŏ ‘mi kial păng unh hơyuh rơgŏh; Hop akŏm jang hơdoi tơ̆ đak dơsĭ.