Lơ̆m năr ‘nâu (31/7), Thủ tướng bơ̆jang hăm dôm grŭp jang, anih mơdro sa tih lơ̆m tơdrong jang pơgang, đak dâu kơ Ấn Độ; vang truh păng iung pơma tơ̆ Hop akŏm Anih mơdro sa Việt Nam - Ấn Độ, vang truh pơm lêh et hơtŏk Anih bơ̆jang tang măt ăn Việt Nam tơ̆ Ấn Độ păng năm ngôi, pơma dơnuh hăm kang ƀô̆, bơngai jang lơ̆m Anih jang tang măt ăn teh đak bơ̆n, tơpôl bơngai Việt Nam tŏk bŏk arih sa tơ̆ teh đak ‘nâu.

‘Năr dơning (1/8), Thủ tướng Ấn Độ Narendra Modi gô pơgơ̆r lêh sơng păng pơma đam hăm Thủ tướng Phạm Minh Chính, păng Thủ tướng Phạm Minh Chính gô đei dôm ‘măng pơma dơnuh hăm kơdră chĕp kơ̆l gĭt kăl kơ Ấn Độ. ‘Măng năm ngôi âu đơ̆ng Thủ tướng teh đak đei tơdrong ‘lơ̆ng tôch kơ gĭt kăl, vă sơkơ̆t hơdăh trong jang kơjăp đơ̆ng Việt Nam lăng kăl tơdrong pơvei tơbôl joăt joe păng Jang hơdai gĭt kăl tôm tơdrong hăm Ấn Độ, tơgop pơm kơjăp tơdrong pơvei đơ̆ng Kơdră chĕp kơ̆l 2 teh đak, mă loi ‘noh jĭ đơ̆ng 2 Thủ tướng.