Chơt hơiă vang truh pơm lêh Et hơtŏk Hnam joh hơri Hồ Gươm, Thủ tướng Phạm Minh Chính pơma hơdăh tơdrong tơmơ̆t jên jang ming man Hnam joh hơri Hồ Gươm tơƀôh tơdrong bơngơ̆t gĭt kăl đơ̆ng Anih jang Đảng Kŏng an Trung ương, Kơdră chĕp kơ̆l Anih tơm vei lăng Kŏng an, Anih vei lăng kon pơlei pơlei tơm Hà Nội hăm tơdrong jang hơtŏk tơiung joh ayŏ, tơgop bơ̆jang kiơ̆ trong jang đơ̆ng Đảng, Teh đak găh joh ayŏ, kơ dŏ soang păng pơjing Anih tơm Hà Nội “Joh ayŏ joăt joe - Hơgei- ‘Nao”.

Vă iŏk yua, hơtŏk tôch ai đei yua hnam joh ayŏ, Thủ tướng teh đak athei Anih tơm vei lăng Kŏng an athei đei trong tơlĕch jang vă vei lăng, iŏk yua khoa hŏk, jơnei vă Hnam joh hơri Hồ Gươm tơpă jing hnam joh hơri tơm kơ khŭl linh Kŏng an kon pơlei păng Anih tơm Hà Nội; bơngơ̆t trug pơgơ̆r dôm tơdrong jang joh ayŏ, kơ sŏ soang, tơdrong jang kăl pơyua ăn hơnăp jang chĭnh trĭ kơ Đảng, Teh đak, Anih tơm vei lăng Kŏng an păng pơlei tơm Hà Nội.